اليوم كنقدم لكم طريقتي لتحضير الشيفلور المشرمل نتمنى ينال اعجابكم
ناخدو الشفلور نقطعوه شجيرات صغار ونديروه يتصلق مع شوية الملح طريف الحامض وورقة موسى
نوجدو الشرمولة بشوية البزار الكامون السودانية شوية الهريسة الثومة غبرة والربيع
نزيدو الزيت البلدية والحامض معصر
نخلطو مزيان ونبداو ندوزو فيها الشفلور
نبقاو ندوزو في الشرمولة حتى نكملو الكمية كلها ونزلوها في شي اناء ونخليوها حتى تتشرب مزيااااااااااااان وقدما بقات فيها قد ماكتجي لديدة
ونقدموها بالصحة والراحة
ممكن يبقى حتى 3 ايام في الثلاجة
اللهم ادمها نعمة واحفظها من الزوال
هذه المقالة نشرت أصلا في موضوع المنتدى : الشفلور مشرمل كتبت بواسطة مفيدة الفريدة مشاهدة المشاركة الأصلية
التصانيف: صلطات مقبلات وعصائر
الكلمات الدلالية (Tags): مشرمل, الشفلور
